सुर्खेत चुरे र महाभारत श्रृंखलाको बिचमा अवस्थित कमजोर धरातल भएको भू–भागले बनेको पहाडी जिल्ला हो । यसको भौगालिक अवस्थिति २८०२०’’ – २८०५८’’ उत्तरी अक्षांश र ८००५९’’–८२००२’’ पूर्वी देशान्तरभित्र रहेको छ । समुन्द्र सतहबाट १९८ मी. देखि २३६७ मी. सम्मको उचाईमा रहेको यस जिल्लाको क्षेत्रफल २४५१ वर्ग कि.मी. रहेको छ । यस जिल्लाको पुर्वमा सल्यान र जाजरकोट, पश्चिममा कैलाली, डोटी र अछाम, उत्तरमा दैलेख, दक्षिणमा बाँके र बर्दिया जिल्लाहरु पर्दछन । वि.सं.२०६८ सालको जनगणना अनुसार जिल्लाको कुल जनसंख्या ३,५०,८०४ रहेको छ जसमध्ये पुरुष १,६९,४२१ तथा महिला १,८१,३८३ रहेका छन् । यस जिल्लामा रहेको सहरी क्षेत्रको क्षेत्रफल ३४ बर्ग कि.मि. छ भने ग्रामिण क्षेत्रको क्षेत्रफल २४१७ बर्ग कि.मि. रहेको छ । यस जिल्लालाई प्रतिनिधि सभा सदस्यका लागि २ वटा निर्वाचन क्षेत्र र प्रदेश सभा सदस्य निर्वाचनका लागि ४ वटा क्षेत्रमा विभाजन गरिएको छ । जिल्लामा ५ नगरपालिका तथा ४ गाँउपालिका रहेका छन् । यस जिल्लामा मुख्य गरी ब्राहृमण, क्षेत्री, मगर तथा दलित जातिहरु बसोवास गर्दछन् ।
.jpg)
© सर्वाधिकार सुरक्षित इलाका प्रशासन कार्यालय, मेहेलकुना, सुर्खेत .